Wageni wa kiume hawaruhusiwi kuvaa nguo, Ni turarhi ya uimwengu

KISIWA cha Okinoshima nchini Japan, ambapo wanawake hawaruhusiwi kufika, kimetambuliwa kama Turathi ya Ulimwengu na Shirika la Elimu, Sayansi na Utamaduni la Umoja wa Mataifa, (UNESCO)

Kisiwa hicho cha Okinoshima huchukuliwa kuwa kitakatifu kiasi kwamba ni wanaume pekee wanaoruhusiwa kuzuru.

Na hata wanapofika huko, hawaruhusiwi kuondoka na chochote, hata kipande cha nyasi.

Jopo maalum liliwasilisha pendekezo kwa Unesco watambue rasmi kisiwa hicho kama turathi ya ulimwengu mwezi Mei.

Katika kisiwa hicho, kuna madhabahu ya Munakata Taisha Okitsumiya, ambayo ni ya kumtukuza miungu wa baharini, madhabahu hayo yalijengwa karne ya 17.

Katika kisiwa cha Okinoshima, kuliandaliwa matambiko kwa ajili ya usalama wa meli na pia wakaazi wa Japan walitumia kisiwa hicho kuwasiliana na wakaazi wa rasi ya Korea na China kati ya karne ya nne na tisa.

Bado kuna miiko kuhusu kisiwa hicho, mfano wanawake kupigwa marufuku kuingia ama kufanya shughuli zozote zile.

Wageni wa kiume pia hutakiwa kwanza kuvua nguo zao zote na kufanya tambiko la kujitakasa.

Aidha, hawatakiwi kufichua chochote kuhusu waliyoshuhudiwa wakiwa kwenye kiswa hicho.

“Haya ni baadhi ya mambo ambayo itabidi yazingatiwe iwapo kitaorodheshwa kuwa turathi,” anasema Asahi Shimbun, na kueleza kuwa huenda kisiwa hicho kikawa maarufu sana kwa utalii.

Kisiwa cha Okinoshima, hutumika kufanya matambiko kwa ajili ya usalama wa meli na pia wakaazi wa Japan hutumia kisiwa hicho kuwasiliana na wakazi wa rasi ya Korea, pichani baadhi ya wanaume wakiingia kwenye madhabahu kwa ajili ya matambiko.

Zamani, hata kabla ya madhabahu kujengwa, kisiwa cha Okinoshima kilikuwa kikitumika kwa matambiko na mabaharia na pia kilihusika katika mashauriano ya kibiashara kati ya watu wa Korea na watu wa China.

Maelfu ya vitu vya kale, vilivyowekwa katika kisiwa hicho kama zawadi kutoka maeneo ya mbali, vimepatikana katika kisiwa hicho ikiwa ni pamoja na pete za dhahabu kutoka rasmi ya Korea, gazeti la Japan Times lilisema.

Kisiwa hicho kwa sasa hupokea wageni siku moja pekee, 27 Mei, na sheria za kale bado zinafuatwa.

Idadi ya wageni wanaoruhusiwa kufika kisiwa hicho kwa mwaka ni 200 pekee, na lazima watimize matambiko yote baharini, na lazima wawe wanaume.

Madhabahu ya Okitsu yalijengwa karne ya 17 na hutumiwa na mabaharia kufanya maombi

Bado hakuna uwezekano kwamba marufuku dhidi ya wanawake itaondolewa.

“Msimamo wetu kuhusu jinsia hautabadilika hata kama kitaorodheshwa kuwa Turathi ya Ulimwengu,” afisa wa Munakata Taisha aliambia gazeti la Mainichi Daily, awali.

“Tutadhibiti watu wanaozuru kisiwa hicho”, iliongeza taarifa hiyo. Makala hii ni kwa msaada wa mtandao.

MAONI YAKO